عاملين لك مفاجأة!

download

مصطفى وملك كلّموني في التليفون، وقالوا لي “ما تتأخرش يا سيمو النهارده، عاملين لك مفاجأة”.
فأنا انشكحت قوي بقى، وقعدت أتخيل جايبين لي إيه، يا ترى العربية اللامبورجيني اللي ورّيتهم صورتها، ولا اللاب الأبل، ولا اشتروا لي شقة.
المهم، قلت إنهم مش أحسن مني في حاجة، ومش هسيبهم يكسروا عيني، فنزلت السوبر ماركت وجبت كيندر وشوكولاتة وحركات، ورحت البيت وأنا راسي لفوق.
أول ما دخلت، لقيتهم مطفيين النور، قلت حلو، يمكن عيد ميلادي، شوية ومصطفى جالي، وقالي “غمّض عينك وافتح بقك”، قلت أكيد التورتة!
سمعت الكلام، وفتحت بقي، زي أي غرّ ساذج، فمصطفى حط لي لقمة متغرّقة شطة!
يا ولاااد الكلب!
العيال بعد ما اشتروا كل اللي نفسهم فيه، افتكروني، فجابوا لي إزازة شطة، عشان بحبها!
حضرتك ما فيه مليون حاجة تانية بحبّها يعني!
يا خسارة الكيندر يا جزم!
‫#‏لو_ابنك_قالك_غمض_عينك_وافتح_بقك_ماتصدقوش‬!

Comments

التعليقات

مقالات ذات صلة